ദിക്കുകള് തേടി ...!!!
എപ്പോഴും സൂര്യന് കിഴക്കാണ് ഉദിക്കാരുള്ളത് . കിഴ്ക്കെന്നാല് , സൂര്യന് എവിടെയാണോ ഉദിക്കുന്നത് അത് മാത്രവും. അപ്പോള് പടിഞ്ഞാറ് തന്നെയാണ് സൂര്യന് അസ്തമിക്കുന്നതെന്ന് എങ്ങിനെ പറയാനാകും... എങ്കിലും ആകട്ടെ.. സൂര്യന് അസ്തമിക്കുന്നതെവിടെയോ അത് തന്നെ പടിഞ്ഞാറും...! അപ്പോള് ദിക്കുകളില് ഒരു തീരുമാനമായി. ഇനി പക്ഷെ ഞാന് തിരിഞ്ഞിരിക്കുന്നത് തെക്കൊട്ടാണെങ്കിലോ .അതിനു വിപരീതമായ വടക്കിനു മുന്പിലെങ്കില് ... വടക്കിനു തന്നെയല്ലേ ദിശാ ബോധങ്ങളില് ഏറെ പ്രാധാന്യം... വടക്ക് നോക്കിയല്ലേ നമ്മള് മറ്റു ദിശകള് കണ്ടെത്തുന്നത്... നമുക്ക് കാണാകുന്ന നമ്മുടെ ജീവല് പ്രധാനിയായ സൂര്യന് നമ്മുടെ മുന്നില് കിഴക്ക് ഉദിക്കുമ്പോള് , എന്തിനാണ് നേര്ക്കാഴ്ചയുടെ ഒരു സൂചനയും ഇല്ലാത്ത വടക്ക് തന്നെ നോക്കി നമ്മള് ദിശ അളക്കുന്നത് ....!!!!!
കിഴക്ക് ഉദിക്കുന്ന സൂര്യനും പടിഞ്ഞാറ് അസ്തമിക്കുന്ന സൂര്യനും തമ്മില് എന്തെങ്കിലും വ്യത്യാസം ഉണ്ടോ എന്നാണു ഇപ്പോള് ഞാനും ചിന്തിക്കുന്നത്. അങ്ങിനെ എങ്കില്, ഒരു വടക്ക് നോക്കി യന്ത്രം വെച്ച് കിഴക്ക് കണ്ടു പിടിച്ച്, അവിടെ സൂര്യന് ഉദിക്കുന്നതും നോക്കി നിന്ന് , ആ സൂര്യന് പിന്നെ പടിഞ്ഞാറ് അസ്തമിക്കുന്നതും കാത്തിരുന്ന്, അസ്തമയ ശേഷം, തെക്കോട്ട് തന്നെ യാത്രയും ചെയ്യണം...! തെക്കോട്ട് യാത്ര... അങ്ങിനെ പറയുമ്പോള് എല്ലാവരും പേടിക്കും. അത് യമ ലോക മത്രേ... പക്ഷെ എന്റെ വീടിന്റെ മുഖം തന്നെ തെക്കൊട്ടാകയാല് ഞാന് എപ്പോഴും ഇറങ്ങുന്നതും തെക്കോട്ട് ആകുന്നു....!
എല്ലാറ്റിനും അപ്പുറം ഇനി കണ്ടെത്തേണ്ടതും കിഴക്ക് തന്നെ... കാരണം എനിക്കെന്റെ സൂര്യനെ തന്നെയാണ് നഷ്ട്ടപ്പെടുന്നത്... ഇനി കണ്ടെത്തേണ്ടതും എന്റെ സൂര്യനെ തന്നെ... ! അതിനു ശേഷം എനിക്കെന്റെ ദിക്കുകള് തിരിച്ചറിയണം... ദിക്കുകള് തിരിച്ചറിഞ്ഞു എനിക്ക് പോകേണ്ട ദിശയെതെന്നു കണ്ടെത്തണം... ദിശയരിഞ്ഞാല് യാത്ര എളുപ്പം.. യാത്ര എളുപ്പമായാല് ലക്ഷ്യം എളുപ്പം... ലക്ഷ്യതിലെതിയാല് ഞാനും ധന്ന്യന്...!!! അതുകൊണ്ട് തന്നെ നിങ്ങള് എന്റെ സൂര്യനെ തിരയുമോ ....???
ഇത്ര ബുദ്ധിമുട്ടാണെങ്കില് തിരയാന് ഞാനില്ല!
ReplyDeleteഇതിപ്പോ..
ReplyDeleteപറഞ്ഞു പറഞ്ഞ്.. തെക്കേതാ, കിഴക്കേതാന്നറിയാത്ത പരുവത്തിലാക്കിയല്ലൊ...?
എന്റെ ദൈവമേ... ഞാനീ നാട്ടുകാരനല്ല...!!